時間流走沒有痕跡，直至皮膚內藏衰退失能，一切成空。我自己連這當下失落過也記不住。孤獨這當刻，我必須自我放逐，明天便洗掉的這種精神苛求才得以成立。留一頭濕淰淰的髪，在冷氣室裡躺下卷縮身體，兩手夾在大腿間呵氣取暖。這樣，我就能具體感受到，逆境中我陷於脆弱裡所流逝的種種情感。正因如此，一個肉體的擁抱可以承載情感所有溫度。當然，肉體的選擇、多寡，與溫度，是命運指定的。
我相信你應該係呢個世界上唔會笑出黎嘅其中一個人。
我想問下你意見，
地球人嘅交易貨幣單位，可唔可以推 「擁抱」？
🖤 個人資產
＝ 擁抱時間
＝ 個人有幾溫暖？
🖤 收銀處
＝可以擁抱嘅地方
🖤 量度到擁抱：時間 5秒-無限。
🖤 貨幣幣值：永遠不變，一秒永遠等於一秒購買力
🖤 每人同時間只能進行一項交易。
🖤 可以出動小動物/公仔，代表自己。
🖤 世界嘅人開始要為左擁抱而做牛做馬，突然多左十段辦公室同事相愛，理解就必須要發生。
感情問題都需要強逼全世界去擁抱，去理解。家庭問題係普遍存在。心理問題、精神壓力，係呢個溫暖新世界最關注嘅議題。
心理輔導同精神「病」係正常。最奇怪最邊緣嘅人都會得到擁抱、想殺人嘅人都會得到擁抱。
人類以資本成為體制勝利者嘅一方會心理唔平衡。人類會為左擁抱而瘋狂消費；理解必須發生。
🖤 一切唔再以資本控制權為體制勝利條件，有價值嘅嘢終於會得到應得嘅回報。
🖤 而家仲可以用公仔代表自己去抱添喎，再考慮下…..非洲小朋友每日1個擁抱，就夠食到80歲。
🖤 爭崩頭嘅天然資源、貴嘢，就必須擁抱到天荒地老。然後啲人就思考點撚解要抱咁耐……
🖤 假使覺得人類好煩，唔可以逼一個人擁抱其他人….virtual hug 點解唔得？象徵式。
🖤 咁virtual hug係可以嘅，錢都可以，但係擁抱就係世界改變嘅轉捩點。
🖤 Virtual「hug」係當貨幣交易用，同社交平台嗰種Like唔同。
🖤 Likes同Followers當成人生成就同生存價值，都應該被淘汰。comment同分享, 其實已好足夠溫暖世界。
🖤 所有嘢都會為左擁抱而運轉。
🖤 咁啲廣告都會暖好多。
🖤 Hugs are NOT free. NO FREE HUGS.
擁抱作為世界貨幣 ： 每一個擁抱都有代價，喺價值嘅象徵。
你有無笑出黎 😁
💛 延伸討論：資源分配給最溫暖的人、擁抱世界的勞資關係及生產成本、以時間瓦解資本世界
💛 小說初稿試讀：1號
更多：搜尋關鍵詞 擁抱 / Search Keyword : Hug
舊 靈 