分類: 寫作

請先閱讀擁抱世界的基本運作模式。

1. 擁抱世界基本設定
2. 資源分配給最溫暖的人
3. 擁抱世界的勞資關係及生產成本

喺擁抱嘅世界入面：

🖤 貨幣幣值：永遠不變，一秒永遠等於一秒購買力

🖤 賣家/生產者 先可以累積擁抱嘅溫暖度，作為個人資產

🖤 賣家/生產者 每日為擁抱而工作，換取生產材料

🖤 買家 每日付出時間擁抱，即消費成本

🖤 每人同時間只能進行一項交易。

結果：

由於買家必須付出擁抱時間交易，承受消費成本，買家只會花時間去買真正需要、真正想要擁有的產物，而賣家亦只能夠設立買家能夠承擔的合理價格。太貴的產品，例如一千萬的樓盤要抱足一千萬日，擁抱時間太長就無人會買。一千萬的樓盤都會變成只需要擁抱一天就能成交的買賣。市場由買家需求主導，交易均以擁抱時間最小化為目標。即使香港地少人多，土地供應有限，人人都會能夠買得起一室安居。社會資源必須重新分配。

又例如現世產業化的教育，學府收取昂貴學費圖利，知識成為私人資產並專業化。喺擁抱嘅世界入面，課程收取的擁抱時間太長，就無人會買。市場由買家需求主導，交易均以擁抱時間最小化為目標。二十多萬的學位課程，必須細分成小單位，讓學生能夠分期擁抱，或短時間內能夠完成交易。如此，學位課程的學費或許只能以日數計算 – 一天學費$500 / 兩分鐘擁抱時間。從此，每個人都能夠負擔得起知識、負擔得起教育。

🍄 讀者問答節錄

問：有啲產品嘅生產成本真係好高，例如一幢樓唔會一兩日起得完，人手製嘅藝術品可能要十幾廿年。人嘅生命有限，邊有人買得起呢？

答：要注意嘅係，一秒唔等於 $1。呢個世界唔存在「錢」。只存在可以無限累積嘅「擁抱時間」。賣家只要定一個合理嘅擁抱時間，所有人都會買得起。

再進一步，我地要思考嘅係，點解要起呢類型人口密集嘅樓宇，向天空發展？既然成本貴，新嘅世界係咪需要新類型嘅建築物？新嘅創造？

呢啲樓宇建築，呢啲藝術品，存在價值係邊度？

問：擁抱制度要花很多時間擁抱，未必比以物換物效率高！反正換番黎都只係一個擁抱，賣家點解唔送出去？支持佢生產嘅人，可以送返材料俾佢。咁就可以索性以物換物, 節省「擁抱時間」。

答：以物換物之中，交換嘅物品價值未必係「市價」，而係「心價」，即人們心目中自定的意義和價值。材料價值同藝術品價值未必相等。我地推廣嘅係「心價」，類似隨緣捐贈。「擁抱貨幣」都係以心價進行交易嘅以物換物。

因為「市價」嘅出現，隨著所牽涉嘅物品範圍擴大，以物換物的流通效率越低。因為「市價」嘅出現，以物換物發展稍有時日，人們就會經常用一種比較容易為人接受的物品作交易，從而形成「貨幣」。

「擁抱貨幣」獨特在於「 貨幣幣值：永遠不變，一秒永遠等於一秒購買力」﹑「只要擁抱就可以換物」﹑「生產者可以累積擁抱時間作為個人資產」；同時，擁抱嘅過程促進左社會對於「生產力」嘅討論同交流。「擁抱貨幣」令生產商獲得合理回報之餘，唔會令到以物換物最後變成資本家霸權嘅金錢貨幣制度。